Былая сядзіба К.Сулістроўскага: фрагменты парку, уязная алея, сістэма сажалак, гаспадарчы двор, руіны спіртзавода

Назва сядзібы паходзіць ад старажытнага роду Шэметавых. Пазней маёнтак перайшоў да А. Боскага герба Ясеньчык, падкаморыя ашмянскага, які памёр у 1597 г. Затым маёнткам валодалі Катажына і Каспар Швыкоўскія, іх дачка Сафія і Ян Стаброўскія. У 1638 г. у Каспара Стаброўскага Шэметава набылі Пётр-Павел і Анэля Праздзецкія. Іх унучка Сузана (дачка Мікалая-Уладзіслава) у якасці пасагу ўнесла маёнтак у валоданне Кшыштафа Дэспат-Зяновіча, ваяводы мінскага. Пасля смерці К. Дэспат-Зяновіча ў 1717 г. маёнткам валодала Тэрэза Дэспат-Зяновіч, якая выйшла замуж за Караля Сулістроўскага, прадстаўніка роду герба Любіч.