У пачатку XIX стагоддзя пабудаваны ў стылі класіцызму двухпавярховы прамавугольны будынак памерамі 18 × 36 м з чырвонай цэглы і атынкаванынымі фасадамі. Заснавальнікам сядзібы з’яўляецца Станіслаў Грабніцкі.  Планіроўка сядзібнага дома была зменена ў час рэканструкцыі ў 1905-1907 годзе. Паўночны бок будынка выходзіў на панскі двор, а паўднёвы быў павернуты да ракі Обаль. Парадны ўваход быў аформлены ў класічным стылі з стварэннем чатырохкалоннага порціка. Каля сярэдніх калон размяшчаліся дзве невялікія каменныя статуі львоў.  У сярэдзіне 1990-х сядзібны дом моцна пацярпеў ад пажару, у выніку якога ацалелі толькі сцены палаца з чатырохкалонным порцікам. Акрамя руін сядзібнага дома, ад былой сядзібы да цяперашняга часу захаваліся рэшткі парку і дом ўпраўляючага, у якім размяшчаецца музей Обальскага камсамольскага падполля.