зваротная сувязь
Калі вы заўважылі недакладнасць, ці маеце пытанне - лістуйце:
Былы сядзібны дом
Шыфр
113Г000610_1
Катэгорыя каштоўнасці
Тып каштоўнасці
Падтып каштоўнасці
Датаванне
др. пал. ХVIII cт.
Стыль
Неакласіцызм
Апісанне
Палацава-паркавы ансамбль, радавое гняздо Трэмбiцкiх. Маёнтак ад блiжэйшай вёскi меў назву Лiноўскi.
У пачатку XX ст. у палацы распачалася яго перабудова. Планавалася ўзвесцi 2 сiметрычныя двухпавярховыя крылы, але недахоп сродкаў i пачатак Першай сусветнай вайны не дазволiлi ажыццявiць намечанае да канца. Тым не менш палац пасля перабудовы набыў манументальны выгляд.
Сядзібны дом набыў складаную аб'ёмна-прасторавую кампазіцыю. Галоўны фасад у цэнтры вылучаны масіўным порцікам, 1-ы паверх якога складаюць 5 аркад, на якія апіраюцца 4 калоны, завершаныя антаблементам і трохвугольным франтонам.
Палац меў багатую ўнутраную аздобу. У пярэднiм пакоi стаялi мармуровыя скультуры. Цэнтральная зала, якая служыла сталовай, мела 50 м плошчы. У час прыёму гасцей тут праводзiлiся балi i святы. Пакоi дзялiлiся на "цёмныя", "светлыя", "ясныя" у залежнасцi ад колеру шпалер i аздобы мэблi. Асаблiвым багаццем кнiгазбору вылучалася бiблiятэка, якая мела каштоўныя старадаўнiя рукапiсы, некалькi тысяч тамоў польскiх, французскiх кнiг i лiтаратуры iншых краiн свету. Пасля смерцi У. Трэмбiцкага большая частка бiблiятэчнага кнiгазбору была выкуплена графам Замойскiм i вывезена ў Варшаву, астатнюю частку разрабавалi кайзераўскiя войскi пад час Першай сусветнай вайны.
На сённяшні дзень палац i парк захавалiся, выкарыстоўваюцца ў гаспадарчых мэтах.
Сартаваць па