Фальварак "Альба": былы дом батракоў

Будынкі былога фальварка, якія захаваліся да нашага часу, адносяцца да канца 19 – пачатку 20 ст., апошняга перыяду існавання комплексу. Былы дом для батракоў пабудаваны з цэглы ў 1901 г. Размешчаны на гаспадарчым двары побач з будынкам стайні, які ўзводзіўся амаль адначасова (1900 г.). Будынак уваходзіць у склад комплексу фальварка. Разам з іншымі   фальваркавымі пабудовамі характарызуе структурную арганізацыю гаспадарча-прамысловага двара фальварка “Альбы”, яго архітэктурнае вырашэнне. Падлягае абавязковаму захаванню агульнае архітэктурнае і прасторавае рашэнне будынка, элементы дэкору (аконныя і дзвярныя абрамленні, паясок парэбрыка, лапаткі).