Фартыфікацыйныя збудаванні Гродзенскай крэпасці: парахавы склеп фортавай групы № 8

Парахавы склеп знаходзіцца ў лесе на паўночны ўсход ад в. Гібулічы, за 0,2 км зправа ад дарогі Гродна – Лунна – Ваўкавыск. Парахавы склеп уяўляе сабой бетоннае збудаванне 30 м у даўжыню, 20 м у шырыню, 9 м у вышыню. Таўшчыня сцен - 5 м. З трох бакоў парахавы склеп абсыпаны зямлёй. Вакол склепа зроблена дрэнажная сістэма для адводу вады. Парахавы склеп складаўся з трох памяшканняў памерам 9 м х 4,5 м - сярэдняга для парахавых зарадаў і двух бакавых для снарадаў. Агульная ўмяшчальнасць памяшканняў – 7 200 снарадаў (выстралаў). Арачныя скляпенні ў парахавым склепе ўмацаваныя сталёвай арматурнай сеткай. Для падтрымання ў склепе аптымальнай тэмпературы і для выключэння вільготнасці (для захавання пораху) у сценах памяшканняў уладкаваны спецыяльныя вентыляцыйныя шахты. Каб падчас абстрэлу іх не засыпала зямлёй на верхнім перакрыцці ўстаноўлены масіўныя бетонныя вежы вышынёй да 2 м з адтулінамі ўздоўж восі (дэфлектары). Уваход у склеп прыкрываўся спецыяльным калідорам (каленчаты сквознік). Парахавы склеп быў вызначаны для фортавых груп VIIІ-ІХ і быў узарваны падчас адступлення расійскіх войскаў у жніўні 1915 г. Разбураны франтальная сцяна, абрынута перакрыцце аднаго памяшкання. Захаваліся тры сцяны, вентыляцыйная вежа, часткова два ўнутраныя памяшканні.