Комплекс сфарміраваны ў канцы XVIII - пачатку XIX стагоддзяў пры Казіміры Міхаіле Пуслоўскім. Пасля маёнтак пераходзіў ад аднаго спадчынніка да іншага. Сядзіба размешчана на роўнай тэрасе возера Чорнае. Уяўленне пра яе дае адна з літаграфій з акварэлі Напалеона Орды і запісы Ю. Нямцэвіча, які наведаў сядзібу ў 1819. Сядзіба была закладзена ў найбольш прыўзнятай паўночна-заходняй частцы уладанняў. Цэнтральнае становішча ў ёй займаў палац, размешчаны сярод парка. Ад яго, па ўспамінах Ю. Нямцэвіча, якога прымаў Войцех, адкрывалася маляўнічая панарама на возера, супрацьлеглы бераг якога здаваўся «… бледнай блакітнай паласой, якая месцамі перарывалася зялёным гаем.