Да нашага часу сядзібны комплекс захаваўся фрагментарна. Будынак былога вінакурнага завода ў 1945 г. быў адноўлены. У 1985 г. да яго паўночнага і тыльнага фасадаў зрабілі невялікія прыбудовы, якія сказілі першапачатковы выгляд будынка. Былая стайня і экіпажная выкарыстоўваліся ў пасляваенны час як склады. Сцены і вуглы будынкаў умацавалі контрфорсамі, якія таксама ў пэўнай ступені сказілі выгляд пабудоў. З гаспадарчых пабудоў захавалася яшчэ валоўня. Будынак складзены з бярвенняў паміж цаглянымі слупамі. Парк захаваўся часткова.