Гісторыка-архітэктурны комплекс жаночага манастыра Раства Багародзіцы: агароджа з брамай

10 мая 1992г. на паседжанні Святога Сінода Беларускай Праваслаўнай Царквы было прынята рашэння аб узнауленні дзейнасці Свята-Ражджаства-Багародзічнага жаночага манастыра ў г. Гродна. Пачаўся працэс паэтапнай перадачы будынкаў манастыру. Пасля канчатковай перадачы ў 1998г. усяго архітэктурнага комплекса манастыру, на месцы металічнай агароджы з заходняга боку зноў была пастаўлена агароджа з цэглы. Агароджа аўтэнтычная захавалася толькі з паўднёвага боку манастырскага комплекса, пры гэтым, сярэдняя яе частка была разабрана ў 1-ай пал. 80-х гадоў XX ст. у сувязі з будаўніцтвам для музея двухпавярховага будынка, які прылягае да царквы Свята-Ражджаства Багародзіцы. Пабудавана з цэглы. Вонкавы бок агароджы роўны, з унутранага боку заходняй яе частцы - тры неглыбокія квадратныя нішы. У заходняй частцы агароджы - невялікая брамка. 3 усходу перад агароджай пабудавана брама. Брама аднапралетная. Пралёт арачны. Завершана брама трохвугольным франтонам. (Першая выява агароджы адлюстравана на гравюры Напалеона Орды 1870-х гадоў).