Гісторыка-архітэктурны комплекс жаночага манастыра Раства Багародзіцы: ігуменскі корпус

10 мая 1992 г. на паседжанні Святога Сінода Беларускай Праваслаўнай Царквы было прынята рашэнне аб узнаўленні дзейнасці Свята-Ражджаства-Багародзічнага жаночага манастыра ў г. Гродна. Пачаўся працэс паэтапнай перадачы будынкаў манастыру. Ігуменскі будынак быў пераданы самым першым у 1992 г. і з гэтага часу пасля рамонту выкарыстоўваецца па свайму прамому прызначэнню. Будынак размешчаны ва ўсходняй частцы манастырскага комплекса насупраць царквы Свята-Ражджаства Багародзіцы. Пабудаваны з цэглы ў 1956г. Аб’ёмы накрыты ўзаемаперпендыкулярным двухсхільным дахам. Кампазіцыя фасада сіметрычная, у цэнтры перад уваходом - ганак. Асноўны кампазіцыйны акцэнт зроблены на цэнтральнай частцы з мезанінам. Аконныя праёмы прамавугольныя, аздоблены ліштвамі з прафіляваным сандрыкам.