На тэрыторыі Беларусі капліцы былі шырока распаўсюджаны. Слова капліца вытворнае ад лацінскага капэла. Слова капэла ў сваю чаргу ўтворана ад капы, што азначае рыза. Капліцы ўяўляюць з сябе збудаванні, якія не маюць ўнутранай прасторы, альбо камеры, у якіх змяшчаецца невялікая колькасць людзей для малітвы. У першым выпадку капліцы маюць выгляд пастаўленых на п'едэстал фігур каталіцкіх святых, прыкрытых зверху навесам. У другім выпадку гэта можа быць асобна размешчаны будынак, альбо капліца знаходзіцца ў складзе касцёла, кляштара, замка, палаца, сядзібнага дома, турмы, брамы і г.д.