Адпраўлена!

Памылка!

Комплекс будынкаў былога кляштара бернардзінцаў: флігель

Цiкавае

Змест

Звесткі аб каштоўнасці

Шыфр

712Г000081_3

712Г000081

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

г. Мінск, Цэнтральны раён, вул. Кірылы і Мяфодзія, 8

Датаванне

1817 г.

Апісанне

Будынак пабудаваны ў складзе комплекса кляштара бернардзінцаў у 1817 г. У інвентарным апісанні кляштара пазначаны як "дом для экіпажа, рамеснікаў і чэлядзі кляштарнай", унізе была піваварня, саладоўня, лазня з адным акном, у сенцах знаходзіўся калодзеж. Памяшканні на цокальным паверсе мелі скляпеністыя перакрыцці. Будынак быў крыты гонтай. У 1820 г. на першым паверсе будынка размяшчалася ланкастэрская школа. З боку вуліцы быў зроблены парадны ўваход. У 1838 г. да флігеля пад адным дахам была зроблена аднапавярховая прыбудова (даўжынёй 5 саж.) у бок дзяцінца (справа). У ёй размясцілася новая піваварня. Пры гэтым былі зроблены некаторыя перапланіроўкі ў старым будынку. Памяшканне сушыльні было пераабсталявана для чэлядзі. У 1850-я гг. ланкастэрская школа перастала існаваць, на першым паверсе былі "помещены монастырские служители, как то: портные, сапожники и прочие рабочие". Пасля скасавання ў 1864 г. бернардзінскага кляштара ў будынку размясцілася пажарная каманда. У 1891 г. над будынкам па праекце гарадскога інжынера І. Кнопа і пад наглядам інжынера Д. Знабішына быў надбудаваны другі паверх. Там размясціўся гарадскі ламбард. На першым паверсе па-ранейшаму была казарма для пажарных, у сутарэні былі кладовыя, жылые памяшканні. У савецкі перыяд будынак выкарыстоўваўся як жылы. У пачатку 1980-х гг. быў пераведзены ў адміністрацыйна-гаспадарчы.

Двухпавярховы, пад часткай з цокальным паверхам, трапецападобны ў плане будынак накрыты вальмавым дахам. Фасады вырашаны спрошчана: падзелены міжпаверхавым карнізным поясам, члянёны прамавугольнымі аконнымі праёмамі без ліштваў. На тарцовым фасадзе захаваліся руставаныя лапаткі. Пад дахам праходзіць прафіляваны карніз.