Комплекс будынкаў Мінскага дзяржаўнага архітэктурна-будаўнічага каледжа: навучальны корпус

Раён вуліцы З. Бядулі (з канца 19 стагоддзя гэта быў Маркаўскі завулак) пачаў забудоўвацца ў апошняй трэці 19 - пачатку 20 ст. Забудова вялася стыхійна, і часта пры будаўніцтве парушаліся нормы планіроўкі. У 1910 годзе завулак заасфальтавалі, і ён стаў падобны да вуліцы.

У час Вялікай Айчыннай вайны амаль усе збудаванні завулка былі знішчаны, і яго прыйшлося аднаўляць. Адной з першых навучальных устаноў, якія пачалі працаваць пасля Вялікай Айчыннай вайны, быў Мінскі будаўнічы тэхнікум. Доўгі час ён не меў свайго навучальнага памяшкання. У1954 г. быў пабудаваны галоўны корпус архітэктурна-будаўнічага тэхнікума па вул. Змітрака Бядулі (да 1956 года называлася Галантарэйная), 7. У 1956 г. пабудаваны другі корпус архітэктурна-будаўнічага тэхнікума па вул. Змітрака Бядулі, 9 (зараз - філіял БНТУ «Мінскі дзяржаўны архітэктурна-будаўнічы коледж»). Пяціпавярховы будынак інтэрната каледжа ў плане набліжаецца да прамавугольнай формы. Пад будынкам маецца падвал. З паўночна-усходняга боку ён прымыкае да будынка другога навучальнага корпуса і размешчаны з невялікім водступам ад яго, з паўднёвага захаду - да другога корпуса інтэрната. Будынак накрыты вальмавым дахам.