Комплекс будынкаў Нацыянальнай акадэміі навук Беларусі. Адміністрацыйны корпус

Будынак інстытута фізікі быў пабудаваны ў 1930-я гг. як лабараторна-друкарскі корпус Акадэміі навук БССР. Згодна з архіўным дакументам, завершана ўзвядзенне лабараторна-друкарскага корпуса ў 1936 г. У гады Вялікай Айчыннай вайны будынак быў пашкоджаны мінамі, блізка разарваўшыміся бомбамі і пажарам.  У 1948 г. будынак быў адноўлены ў ранейшым аб'ёме па праекце архітэктара Я.Шапіры з прыбудовай новай часткі да галоўнага крыла справа ад цэнтральнага ўвахода. Пры гэтым галоўны фасад набыў новае архітэктурнае рашэнне, характэрнае для таго перыяду. У 1960-я гг. будынак інстытута быў часткова рэканструяваны: да тарцовага левага фасада прыбудавана ўстаўка з праездам, якая злучыла будынак інстытута фізікі з будынкам № 70. Верагодна, у гэты ж час было дабудавана дваровае крыло ў тарцовай частцы. Пазней у 2006 г. гэта крыло было рэканструявана, да яго прыбудавана пераходная галерэя. Праводзімыя ў пасляваенны перыяд рамонты значных змен у выгляд будынка не ўносілі, за выключэннем замены аконнай і дзвярной сталяркі.