Комплекс былога манастыра базыльян: манастырскі будынак

Жылы каменны корпус Манастыра размешчаны з паўднёвага боку ад храма. Двухпавярховы, з падвалам, прамавугольны ў плане будынак з двухпралётнай сістэмай планіроўкі галерэйнага тыпу. Перакрыцці падвала, першага і пакрыццё другога паверхаў-цагляныя, скляпеністыя.Памяшканні манастырскага корпуса: першы паверх-келлі, трапезная з кухняй, падсобныя памяшканні, санвузлы, калідор; другі паверх- келлі, бібліятэка, кабінеты, пакой для адпачынку; падвал - каморы, цеплапункт, электрашчытавая, памяшканне слесара, калідор. Фасады будынка расчлянёны пілястрамі на высокіх пастаментах і прамавугольнымі аконнымі праёмамі, якія дэкараваныя плоскімі ліштвамі з валютамі уверсе. Дах двухсхільны, накрыты металічнымі фальцавамі лістамі. Пасярэдзіне даху, над вільчаком знаходзіцца невялікая макаўка над месцам ранейшай “цеплай” царквы.