15 лістапада 1909 г. было адчынена Лужаснянскае ніжэйшае сельскагаспадарчае вучылішча другой ступені. Тут пачаў дзейнічаць земляробчы гурток. Для гаспадароў правадзіліся курсы па садаводстве і агародніцтве, ладзіліся сельскагаспадарчыя  выставы. 

Пасля рэвалюцыі 1917 г. земляробчае вучылішча працягвала працу. У 1929 г. яно было пераўтворана ў Лужаснянскі дзяржаўны ільнопянковы тэхнікум Наркамата земляробства БССР. 

З 9 ліпеня 1941-га да 26 чэрвеня 1944 гг. Лужасна было акупіравана нямецка-фашысцкімі захопнікамі. У памяшканнях тэхнікума размяшчаўся фашысцкі гарнізон. 

Адразу пасля вызвалення, у 1944 г., тэхнікум аднавіў сваю дзейнасць.