зваротная сувязь
Калі вы заўважылі недакладнасць, ці маеце пытанне - лістуйце:
Комплекс фартыфікацыйных збудаванняў Брэсцкай крэпасці
Шыфр
110Г000707
комплексны аб’ект
Дадзеная каштоўнасць мае ў комплексе некалькі аб'ектаў.
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Брэст
Датаванне
1901 - 1902 гг.
Стыль
Фартыфікацыйная архітэктура
Апісанне
У канцы 60-х гадоў XIX стагоддзя на поўнач ад крэпасці праклалі чыгунку Масква - Варшава, насып якой утварыў "мёртвую зону" перад Кобрынскім умацаваннем. Для кантролю над гэтым участкам Э.І. Татлебен прапанаваў у 1869 годзе пачаць узвядзенне перадавога ўмацавання - форта "Граф Берг" і буйной земляной батарэі. Гэта быў першы форт Брэсцкай крэпасці, які знаходзіўся на адлегласці 850 метраў ад галоўнай абарончай паласы.
Першая абарончая паласа Брэсцкай крэпасці складаласа з 9 фортаў з нумарным пазначэннем, пабудаваных ў 1878-1888 гады. Фарты № I, II, III мелі сухія ровы, фарты № IV, V, VI, VII, VIII, IX, X - ровы, запоўненыя вадой.
Парахавы склеп № 3 уваходзіў у колькасць прамежкавых абарончых аб’ектаў Брэст-Літоўскай крэпасці другой паласы. Склеп пабудаваны ў пачатку XX ст. з бетону пад час мадэрнізацыі Брэсцкай крэпасці i стварэння вонкавай паласы абароны. Для дадатковай моцнасці ў бетон дадавалі бутавыя камяні. Па ўспамінах жыхароў пры будаўніцтве склепа працавалі арцелі працоўных з Расіі, Украіны, Польшчы і выкарыстоўваліся электралябёдкі.
У гады Першай сусветнай вайны ў жніўні 1915 г., пры адступленні з Брэст-Літоўска рускіх войскаў некаторые фарты i склепы былі падарваны, але парахавы склеп № 3 не пацярпеў.
Напярэдадні Вялікай Айчыннай вайны у парахавым склепе № 3 знаходзіўся склад гаруча-змазачных матэрыялаў. У гады акупацыі ў склепе былі размешчаны склады боепрыпасаў. У 1943 г. пад час карнай аперацыі фашысты мелі намер расстраляць ў склепе ўсіх жыхароў в. Пугачова, пазней гэты прыказ быў адменены.
З 1944 да 1990-гадоў склеп быў ва ўласнасці Узброенных сіл. Пасля вываду ў 1990-х гадах вайсковай часткі, склеп перададзены на баланс КУП “ЖРЭУ г. Брэста”.
У 1998 г. быў дадзены дазвол на продаж парахавога склепа.
У 2001 г. быў зроблены будаўнічы праект рэканструкцыі фартыфікацыйнага збудавання. У 2004 г. выканана перапланіроўка 6 памяшканняў.
У цяперашні час тэрыторыя адбудавана, парахавы склеп захаваўся на 100 %, памяшканні склепа выкарыстоўваюцца пад гаспадарчыя пабудовы, склады, магазіны рынка “Стары горад”.
Парахавы склеп - помнік ваенна-інжынернага мастацтва Расійскай імперыі пач. XX ст.
Сартаваць па
Аб'екты, якія ўваходзяць у склад дадзенай каштоўнасці (комплекснага аб'екта)
