Комплекс былога кляштара бенедыкцінак: рэшткі абарончых збудаванняў горада

   На ўсход ад былога кляштара бенедыкцінак на беразе Дзявочага става захаваўся фрагмент гарадской фартыфікацыі які складаецца з насыпу бастыёна і невялікіх участкаў прылеглых да яго курцін, агульнай даўжынёй каля 300 м. Абследаваў у 1985 г. Чарняўскi I. М. У насыпе бастыёна знойдзены фрагменты керамічнага посуду канца 16 ‒ пачатку 17 ст.

    Гарадскія ўмацаванні Нясвіжа ў асноўным былі ўзведзены пры жыцці князя Мікалая Крыштофа Радзівіла Сіроткі, які гэтаму пытанню ўдзяляў шмат увагі. У прывілеі 1586 г. ён паставіў нясвіжцам важную задачу: пры ўзвядзенні гарадскіх умацаванняў памураваць 2 брамы, "абы места замкнёным было". Мяшчане таксама абавязваліся ўзводзіць мураваныя ўмацаванні. Згодна з магістрацкай пастановай ад 18 чэрвеня 1596 г., работы па насыпанні валоў вакол "места" павінны былі праводзіцца штогод, прычым жыхары кожнага заселенага ўчастка ўзводзілі "па пруту насыпу".

Сучаснае выкарыстанне-рэшткі абарончых збудаванняў.