зваротная сувязь
Калі вы заўважылі недакладнасць, ці маеце пытанне - лістуйце:
Калі ласка, прадстаўцеся
Як з вамі звязацца?
Увядзіце карэктны email
Пра што вы хацелі даведацца?

Адпраўлена!

Памылка!

Комплекс Свята-Раства-Багародзічнага манастыра (былы калегіум езуітаў) з тэрыторыяй у межах агароджы: касцёл

Шыфр

312Г000407_1

Катэгорыя каштоўнасці

Тып каштоўнасці

Падтып каштоўнасці

Месца знаходжання

Гомельская вобласць, Калінкавіцкі раён, Юравічы, Горная, 9

Датаванне

1681

Стыль

позняе барока

Апісанне

Касцёлз'яўляецца помнікам архітэктуры позняга барока. Касцёл - трохнефавая мураваная базiлiка з выцягнутай паўкруглай апсiдай i двухвежавым галоўным фасадам. Фасад падзелены на 3 ярусы развітымі антаблементамі, расчлянёны вязкамі пілястраў, крапаваны франтонамі. Разнастайныя нішы і аконныя праёмы аздоблены складанымі профілямі і лепкай. Бакавыя сцены расчлянёны спаранымі лапаткамі і неглыбокімі нішамі. Абапал апсіды -- 2-павярховыя сакрысціі, паўночная злучана калідорам з будынкам калегіума. Унутраная прастора падзелена на 3 нефы 6 магутнымі слупамі і аркадай паміж імі. Над галоўным уваходам паміж вежамі створаны невялікія хоры. Тут жа ў цыліндрычных шахтах размяшчаліся вітыя лесвіцы вежаў. Бакавя нефы перакрыты крыжовымі скляпеннямі, цэнтральны -- цыліндрычным з люнетамі, падзеленымі падпружнымі аркамі, якія абапіраюцца на спараныя насценныя пілястры. З краповак выкарыстаны плафонныя авальныя рамы, іанічныя капітэлі ў барочнай інтэрпрэтацыі, шматлікія архітэктурныя абломы. У сярэдняй частцы храма падлога была мармуровая, у бакавых нефах -- драўляная. Пад касцёлам размешчана вялікая крыпта. Да нашага часу захаваліся наружныя сцены заходняга, паўночнага і ўсходняга фасадаў, сцены паўднёвага фасада разбураныя да падмуркаў. Напалову разбураныя дзве вежы і франтон над цэнтральным нефам, у аварыйным стане цыліндрычныя склапенні над цэнтральным нефам і крыжовыя скляпенні над паўночным бакавым нефам. У інтэр'еры адсутнічаюць перакрыцці для хораў, вінтавыя лесвіцы, сталярныя вырабы.