«Лунацік» («Le somnambule»). Папера, гуаш, аловак. 33,5 х 22 см (аўтар Марк Шагал)

Час напісання карціны “Лунацік” 1911-1912 гг.

Выбітны майстар авангарднага мастацтва ХХ ст. Марк Шагал (1887 - 1985) нарадзіўся ў г. Віцебску ў небагатай яўрэйскай сям’і.

У 1911 г. малады мастак едзе ў Парыж. Тут Марк Шагал пазнаёміўся з найноўшымі дасягненнямі еўрапейскага мастацтва, зблізіўся з яго прадстаўнікамі, наведаў заняткі ў прыватных парыжскіх мастацкіх школах, вывучыў музейныя зборы і сфарміраваўся як мастак з яркай індывідуальнай творчай манерай. Творы Шагала былі прадстаўлены на шэрагу выстаў, у тым ліку на Салоне Незалежных і Восеньскім салоне (1912 г.).

У 1915 г. Шагал ажаніўся з Бэлай Розенфельд. З яе выявай непарыўна звязана любоўная тэма ў творчасці мастака.