зваротная сувязь
Калі вы заўважылі недакладнасць, ці маеце пытанне - лістуйце:
Калекцыя твораў жывапісу мастакоў Парыжскай школы
Шыфр
722М000077
комплексны аб’ект
Дадзеная каштоўнасць мае ў комплексе некалькі аб'ектаў.
Катэгорыя каштоўнасці
Тып каштоўнасці
Месца знаходжання
г. Мінск, Савецкі раён, Адкрытае акцыянернае таварыства «Белгазпрамбанк», вул. Прытыцкага, 60/2
Апісанне
“Парыжская школа” абазначае не рух ці школу ў акадэмічным разуменні, а гістарычны факт. Так называюць групу мастакоў з усяго свету, якія накіраваліся ў Парыж у пачатку ХХ ст., дзе змаглі знайсці сваю творчую манеру. Гэта некалькіх пакаленняў інтэрнацыянальнага згуртавання мастакоў, якія жылі і стваралі ў Парыжы з 1900 да 1960-х гадоў. Звычайна іх падзяляюць на прадстаўнікоў трох перыядаў:
- 1900—1920-я (жыхары квартала Манпарнас — Пікасо, Шагал, Мадзільяні, Паскін, Суцін),
- міжваеннае дваццацігоддзе (Ланскі, Палякоў, прадстаўнікі абстрактнага мастацтва),
- вайна і пасляваенныя годы, пачынаючы з накіраванай супраць фашысцкага рэжыму Вішы выставы «Дваццаць маладых мастакоў французскай традыцыі», арганізаванай у 1941 Жанам Базенам (Манесье, Эстэв, Фужарон і інш.) да 1960-х гадоў. Майстроў двух апошніх перыядаў часам называюць «Новай Парыжскай школай».
Сам тэрмін “Парыжская школа” быў уведзены мастацкім крытыкам Андрэ Варно ў 1925 г. у часопісе “Камедыя” для абазначэння групы, якая была ўтворана замежнымі мастакамі ў Парыжы.
Дадзеная калекцыя мастакоў Парыжскай школы складаецца з 11 твораў жывапісу, з якіх: 4 (чатыры) творы Мішэля Кікоіна, 2 (два) творы Хаіма Суціна, 4 (чатыры) творы Марка Шагала, 1 (адзін) твор Пінхуса Крэменя:
- “Ваза з кветкамі”, Мішэль Кікоін, каля 1930-1935 гг., Францыя, палатно, алей, 73 х 53,9 см,
- “Пейзаж з прачкамі”, Мішэль Кікоін, каля 1925-1926 гг., Францыя, палатно, алей, 92 х 73,3 см,
- “Пейзаж на беразе”, Мішэль Кікоін, каля 1934 г., Францыя, палатно, алей, 48 х 61,2 см,
- “Рабін з сям'ёй”, Мішэль Кікоін, каля 1950-1960 гг., Францыя, палатно, алей, 32,5 х 41 см,
- “Вялікія лугі ў Шартры, ля віядука”, Хаім Суцін, каля 1934 г., Францыя, палатно, алей, 91,8 х 59,4 (60,1) см,
- “Ева”, Хаім Суцін, 1928 г., Францыя, палатно, алей, 65 х 54 см,
- “Паляўнічы”, Пінхус Крэмень, 1928 г., Францыя, палатно, алей, 81 х 60 см,
- “Закаханыя”, Марк Шагал, 1981 г., Францыя, кардон, гуаш, акварэль, пастэль, 79,7 х 59,8 см,
- “Зялёны пейзаж”, Марк Шагал, 1948-1950 гг., Францыя, палатно, алей, 27 х 22 см,
- “Лунацік”, Марк Шагал, 1911-1912 г., Францыя, папера, аловак, гуаш, 33,5 х 22 см,
- “Гадзіннік на палаючым небе”, Марк Шагал, 1947-1950 гг., Францыя, палатно, алей, 69,7 х 30,5 см.
Сартаваць па
Аб'екты, якія ўваходзяць у склад дадзенай каштоўнасці (комплекснага аб'екта)
«Вялікія лугі ў Шартры, ля віядука» («Les grands pres a Chartres, au vіaduc»). Палатно, алей. 93 х 60 см (аўтар Хаім Суцін)
«Гадзіннік у палаючым небе» («Pendule au cіel embrase»). Палатно, алей, туш. 69,7 х 30,5 см (аўтар Марк Шагал)
«Пейзаж на беразе» («Paysage au bord de l’eau»). Палатно, алей. 48,6 х 60,9 см (аўтар Мішэль Кікоін)
