Магіла Г. А. Одзегава

Магіла воіна знаходзіцца на грамадзянскіх могілках в. Казіміраўка. У магіле пахаваны воін Чырвонай Арміі Герасім Андрэевіч Одзегаў,  ураджэнец Вяцкай губерні (в. Чаркунь), які загінуў 23.10.1943 пры вызваленні Лоеўскага раёна ад нямецка-фашысцкіх захопнікаў. У баях за вышыню ў раёне в. Свярдлоўка асабіста знішчыў з аўтамата трох варожых салдат. Быў узнагароджаны медалём “За адвагу”. У 1975 г. на магіле ўстаноўлены помнік - абеліск (з цэглы). У 2012 г. праводзілася рэканструкцыя помніка. Замест абеліска ўстаноўлена гранітная пліта  з тэкстам: “Здесь похоронен ефрейтор Одегов Герасим Андреевич, погибший при освобождении д. Казимировка от немецко-фашистских захватчиков. 1904 - 23.10.1943.”