Падмуркі Богаяўленскага сабора

Богаяўленскі сабор з’яўляўся першай чаргой манастырскага комплексу. Сабор быў завершаны недзе да 1635 г. Ён з’яўляўся дамінантай комплексу “длиной в 12,5 сажень, в ширину 12 и высоты 18 сажень с пятью главами и пятью куполами”. Пад падмуркам Богаяўленскага манастыра некалі існаваў яшчэ і падземны храм Уваскрэсення Праведнага Лазара. Упершыню звесткі пра яго прывёў аршанскі краязнавец Е.Цэхановіч у артыкуле “Пячорная царква і падземны ход у Варшанскім Куцеінскім манастыры”, надрукаваным у часопісе “Наш край” (1926, №3).