зваротная сувязь
Калі вы заўважылі недакладнасць, ці маеце пытанне - лістуйце:
Палацава-паркавы ансамбль: фрагмент агароджы з брамай і вартоўняй
Шыфр
612Г000657_4
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
ХІХ ст.
Апісанне
БРАМА. У выглядзе трох мураваных пілонаў квадратных у сячэнні. Патынкаваныя. Грані з боку вуліцы і парку дэкарыраваны нішамі. Пілоны завершаны па перыметры карнізам і накрыты невысокімі чатырохсхільнымі дахамі. У цэнтры паміж вышэйшымі слупамі двухстворкавыя металічныя вароты, з левага боку захавалася металічная калітка.
ВАРТОЎНЯ. Размешчана з левага боку ад брамы. Прамавугольны ў плане аднапавярховы невялікі будынак, накрыты двухсхільным дахам. Фасады абліцаваны чырвонай цэглай. Вуглы будынка акцэнтаваны плоскімі лапаткамі. Лучковыя аконныя праёмы аформлены перамычкамі-броўкамі, падаконнымі карнізнымі паяскамі. На галоўным і тыльным фасадах змешчана па аднаму аконнаму праёму, на тарцовых фасадах вузейшыя аконныя праёмы былі скампанаваны па тры, верагодна, цэнтральны праём быў дзвярны. Маюцца сляды пераробак праёмаў. Завершаны фасады карнізам. Трохвугольныя франтоны на тарцовых фасадах, утвораныя схіламі даху, прарэзаны круглымі люкарнамі ў абрамленнях. Франтоны фланкіраваны квадратнымі ў сячэнні слупкамі-пінаклямі, грані якіх завершаны трохвугольнымі франтончыкамі.
Сартаваць па