зваротная сувязь
Калі вы заўважылі недакладнасць, ці маеце пытанне - лістуйце:
Палацава-паркавы ансамбль: капліца-спачывальня
Шыфр
310Г000044_4
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1870 г. - 1889 г.
Стыль
Рэтраспектыўна-рускі
Апісанне
Комплекс капліцы-пахавальні князёў Паскевічаў складаецца з двух, не злучаных паміж сабой аб’ёмаў: капліцы і пахавальні. Капліца пабудавана ў 1870-1889 гг. па праекце архітэктара Я. Чарвінскага як сямейная спачывальня ўладальнікаў Гомельскага маёнтка. Спачывальня размешчана пад зямлёй. Уяўляе сабой прамавугольнае выцягнутай формы памяшканне, перакрытае паўцыркульным скляпеннем. Будынак капліцы кампактны аднапавярховы. Квадратнае ў плане мураванае збудаванне накрыта высокім васьмігранным шатром з люкарнамі і цыбулепадобнай галоўкай на невысокім барабане. Такія ж галоўкі на больш высокіх барабанах завяршаюць вуглы асноўнага аб’ёму. Фасады абліцаваны цэглай, аздоблены керамічнымі дэталямі і каляровай маёлікай. У дэкоры выкарыстаны бочкападобныя і вітыя слупы, закамары, ажурныя крыжы. Побач з капліцай размешчана надбудова ўвахода ў фамільную пахавальню Паскевічаў. Вырашана ў выглядзе невялікага аб'ёму, які ўвянчаны маленькім барабанам з галоўкай. Уваход звязаны лесвіцай са склепам. У падлогу склепа ўмураваны мемарыяльныя пліты, на тарцовай сцяне мазаічнае паліхромнае пано.
Сартаваць па