Адпраўлена!

Памылка!

Парадны ўваход у Цэнтральны дзіцячы парк імя Горкага з дзвюма ратондападобнымі альтанкамі на флангах

Цiкавае

Змест

Звесткі аб каштоўнасці

Шыфр

712Г000151

711Е000149

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

г. Мінск, Цэнтральны раён, пр. Незалежнасці (у пачатку вул. Фрунзе)

Датаванне

1952 - 1954 гг.

Апісанне

Галоўны ўваход у парк імя М. Горкага ўяўляе сабой каланаду, якая складаецца з дванаццаці калон, размешчаных папарна ў два рады, па баках фланкіраваных магутнымі пілонамі. Фасадныя плоскасці пілонаў патынкаваны з аддзелкай рустам, багата аздоблены ляпным дэкорам (фрызавыя паясы геаметрычнага і расліннага арнаменту, гірлянды, стужкі, круглыя разеткі з пяціканцовымі зоркамі). Калоны ўстаноўлены на невысокіх базах, увянчаны капітэлямі стылізаванага іанічнага ордэра. Завершаны цэнтральны ўваход антаблементам з развітым карнізам і балюстрадным парапетам з тумбамі, упрыгожанымі дэкаратыўнымі вазамі. Столь перакрыцця дэкарыравана кесонамі. Кесоны апрацаваны профілямі з ляпнымі фрызавымі паяскамі.

У кампазіцыю цэнтральнага ўвахода ў парк уключаны дзве ратондападобныя альтанкі, размешчаныя на флангах. Альтанкі складаюцца з 5-ці калон (без базы) стылізаванага карынфскага ордэра і нешырокай сценкі, паверхня якой з унутранага боку аформлена нішай-экседрай і ляпным барэльефам з расліннымі матывамі. Фрыз антаблемента дэкарыраваны ляпным дэкорам (вянкі з гірляндамі). Завершаны альтанкі карнізам значнага вынасу з дэнтыкуламі, накрыты сферычным пакатым купалам. З унутранага боку па акружнасці купала праходзіць паясок іонік.