зваротная сувязь
Калі вы заўважылі недакладнасць, ці маеце пытанне - лістуйце:
Рэшткі Богаяўленскага манастыра
Шыфр
513Г000008
Катэгорыя каштоўнасці
Тып каштоўнасці
Падтып каштоўнасці
Месца знаходжання
Магілёўская вобласць, г. Магілёў, у квартале, абмежаваным вул. Першамайскай, вул. Ленінскай, вул. Болдзіна
Датаванне
ХVІІ ст. - ХІХ ст.
Стыль
Барокка
Апісанне
Богаяўленскі манастыр - адзін з буйнейшых праваслаўных манастыроў 17-18 стст., архітэктура яго зрабіла вялікі ўплыў на будаўніцтва шэрагу праваслаўных храмаў Беларусі. Прыхільнік праваслаўя князь Іван Агінскі ў 1620 г. выкупіў у княгіні Саламарэцкай дом з пляцам на Вялікай Шклоўскай вуліцы, дзе і заснаваў новы праваслаўны Богаяўленскі манастыр. Аднак мураваны саборны храм гэтага манастыра пабудаваны толькі ў 1633-36 гг., калі пры каралі Уладзіславе IV былі паслаблены ганенні на праваслаўных і зноў адчынены цэрквы. Царква - Богаяўленскі сабор стаў кафедральным, пры ім існавала знакамітае праваслаўнае брацтва. Будаўніцтва храма вялося арцеллю мясцовых майстроў пад кіраўніцтвам Варлама Палоўкі і Арсенія Азаровіча.
У канцы 18 ст. манастырскі комплекс складалі мураваныя цэрквы Богаяўленская і "цёплая" (зімовая) Іаана Багаслова, пабудаваная ў канцы 1630-х гадоў, званіца, будынак брацкай друкарні (злева ад уваходнай брамы), 6 мураваных крамаў, драўляны будынак шпіталя (насупраць паўднёвых дзвярэй храма), дом настаяцеля, мураваны дом з 2 склепамі побач са званіцай, 3 мураваныя свірны (1792 г.) і іншыя гаспадарчыя пабудовы.
Сартаваць па