зваротная сувязь
Калі вы заўважылі недакладнасць, ці маеце пытанне - лістуйце:
Валынскае ўмацаванне
Шыфр
111Г000725
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Брэст
Датаванне
1836 - 1842 гг.
Апісанне
Брэсцкая крэпасць пабудавана ў 1833-1842 гг. на месцы старажытнага горада Брэст-Літоўск, на ўтвораных рэкамі Буг, Мухавец і сістэмай каналаў астравах. Складалася з 4-х умацаванняў: Цэнтральнага, Цярэспальскага, Валынскага, Кобрынскага.
Выбар месца для будаўніцтва крэпасці быў абумоўлены важным ваенна-стратэгічным становішчам, якое займаў Брэст-Літоўск на захадзе Расійскай імперыі. Ён знаходзіўся на канале і бліжэйшай сухапутнай дарозе з Варшавы ў Маскву.
Каземаціраваны рэдзюіт VIII батальёна Валынскага ўмацавання ўяўляе сабой двухпавярховы будынак з чырвонай цэглы, дугападобны ў плане. Фасады будынка пазбаўлены дэкаратыўных элементаў. Галоўны фасад паўкруглай формы мае закладзеныя байніцы і амбразуры.
Супрацьлеглы фасад мае злегку ўвагнутую форму, арачныя вокны на другім паверсе, прамавугольныя вокны з паўцыркульнымі перамычкамі на першым паверсе і бакавых фасадах. Будынак пакрыты вальмавым дахам.
У польскі перыяд з 1925 па 1939 гады ў рэдзюіце размяшчаліся падраздзяленні роты сувязі i
мабілізацыйныя склады. Перад Вялікай Айчыйнай вайной у ім была размешчана палкавая школа малодшых камандзіраў 84-га стралковага палка 6-й стралковай дывізіі. Пасля вайны ацалелыя казематы рэдзюіта сталі казармай ваенна-будаўнічай часці Беларускай ваеннай акругі.
У 2004 г. будынак казімаціраванага рэдзюіта быў перададзены праваслаўнаму Свята-Ражджаства-Багародзіцкаму жаночаму манастыру.
Сартаваць па