Воінскі ўчастак грамадзянскіх могілак: брацкая магіла

Брацкая магіла, у якой пахаваны 351 воін, знаходзіцца на воінскім участку грамадзянскіх могілак на вул. Дзекабрыстаў. Вайсковае пахаванне сфармавана ў 1944 г. Тут былі пахаваны воіны і партызаны, якія загінулі ў асноўным у 1944 г. 30 прозвішчаў пахаваных не былі ўстаноўлены. У 1955 г. на магіле быў пастаўлены абеліск, які быў заменены ў 1964 і 1985 гг.  На бетонным пастаменце, абліцаваным мармуровымі плітамі шэрага колеру, устаноўлены белы  мармуровы абеліск у выглядзе трох штыкоў з замацаванымі на іх сімвалічнымі старонкамі разгорнутай кнігі з пералікам прозвішчаў загінуўшых воінаў і партызан.