Жылы дом

Будынак уваходзіць у ансамбль забудовы плошчы Леніна. Пабудаваны з цэглы як жылы на ўсходнім баку плошчы, на скрыжаванні вул. Першамайскай і пр-та Міру. Дом 5-ці павярховы з 6-мі павярховым вуглавым аб'ёмам. Вылучаецца манументальнасцю, цэласнасцю аб'ёмна-прасторавай кампазіцыі. Пластыку фасадаў ствараюць выступаючыя пілястры, што акцэнтуюць галоўныя фасады. Паміж пілястрамі - прамавугольныя аконныя праёмы. Дэкаратыўную ролю выконвае аздабленне 6-га паверха вуглавога аб'ёма ў выглядзе распрацаванага карніза. У аснову планіровачнай структуры пакладзена 2-кватэрная секцыя з 4-5-пакаёвых кватэр.