Сядзіба размешчана на ўсходняй ускраіне вёскі. У аснову планіроўкі ансамбля пакладзена падоўжна-восевая кампазіцыя з сядзібным домам у цэнтры рэгулярна-пейзажнага парку. Сядзiбны дом - прамавугольны ў плане двухпавярховы будынак з мансардай i неглыбокiм рызалiтам з пiлястрамi, накрыты вальмавым дахам. Мансардавы паверх узвышаецца над цэнтральнай часткай i на галоўным фасадзе вырашаны фiгурным трохступенчатым атыкам з рамбiчнымi вокнамi. Планiроўка калiдорная. Аздоба iнтэр'ера не захавалася. 

Царква - аднанефавы прамавугольны ў плане мураваны аб'ём з двухсхiльным дахам. Сцены з высокiмi аконнымi праёмамi раскрапаваны масiўнымi спаранымi пiлястрамi. Галоўны ўваход вылучаны порцiкам з франтонам на здвоенных паўкалонах. Iнтэр'ер зальны, сцены раскрапаваны шырокiмi пiлястрамi. У паўднёвай частцы iнтэр'ера хоры на масiўных слупах. 

Парк рэгулярна-пейзажнага тыпу. Галоўная алея злучае сядзiбны дом i царкву, арыентаваныя адзiн да аднаго галоўнымi фасадамi. У архiтэктуры ансамбля выявiлiся рысы позняга класiцызму.