зваротная сувязь
Калі вы заўважылі недакладнасць, ці маеце пытанне - лістуйце:
Комплекс пахаванняў на могілках па вул. Антонава – Прыгарадная: магіла Аляксандра Шырмы
Шыфр
413Д000769_6
Катэгорыя каштоўнасці
Тып каштоўнасці
Падтып каштоўнасці
Месца знаходжання
Гродзенская вобласць, г. Гродна
Датаванне
пач. ХХ cт.
Апісанне
Магіла Шырмы А.А. (? - памёр 2.12.1905), упраўляючага Граеўскай мытняй, стацкага саветніка, размешчана на праваслаўнай частцы некрапаля за Свята-Марыінскай царквой з левага боку перад заканчэннем галоўнай дарогі.
Надмагілле ўяўляе сабой крыж, які нагадвае ссечанае дрэва. Крыж аплецены вянком з плюшча. У цэнтры сяродкрыжжа змешчаны элемент накшталт барэльефа у выглядзе твара: ён выразаны і замацаваны з іншага матэрыяла; моцна пашкоджаны. Магчыма, гэта была выява Ісуса Хрыста ці Маці Божай. Пад крыжам - апрацаваны валун: сімвалічны дол, па якім працягвае расці плюшч. Над “долам” - разгорнутая кніга з біблейскай цытатай: дакладна прарэзаны старонкі і вокладка, левы верхні вугал старонкі загорнуты; пад кнігай таксама размешчаны лісты плюшча, якія пераходзяць на сімвалічны пастамент.
Па пастаменце выразаны надпіс з інфармацыяй аб пахаваным. Сам помнік уладкаваны на бетонны цокаль, дзе ў правым верхнім куце выразана таўро Б. Шышкевіча.
Тэрыторыя вакол надмагілля ў сярэдзіне 2000-х гг. па ініцыятыве Гродзенскай рэгіянальнай мытні была абкладзена сучаснай бетоннай пліткай.
На агульнай пляцоўцы размешчана яшчэ адно надмагілле сястры А.А. Шырмы - Марыі Антонаўны Жукоўскай. Па стылістыцы помнікаў відаць, што яны былі створаны ў адной майстэрні прыкладна ў адзін час. Агароджа адсутнічае.
Сартаваць па