зваротная сувязь
Калі вы заўважылі недакладнасць, ці маеце пытанне - лістуйце:
Комплекс пахаванняў на могілках па вул. Антонава – Прыгарадная: магіла Тэклі Галэмбёўскай і Людвікі Жыгань
Шыфр
413Д000769_9
Катэгорыя каштоўнасці
Тып каштоўнасці
Падтып каштоўнасці
Месца знаходжання
Гродзенская вобласць, г. Гродна
Датаванне
каля 1859 г.
Апісанне
Магіла Тэклі Галэмбёўскай і Людвікі Жыгань, жыхарак г. Гродна др. пал. ХІХ ст., размешчана на каталіцкай частцы некрапаля злева насупраць капліцы ў глыб пахаванняў (дарога адсутнічае).
Інфармацыя аб іх жыцці і дзейнасці адсутнічае. Невядома, знаходзіліся яны ў роднасных адносінах альбо былі блізкімі сяброўкамі. Застаецца адкратым пытанне аб смерці прыкладна ў адзін год: ці была гэта хвароба ці проста супадзенне.
Магіла ўяўляе сабой два абеліскі з граніту ў межах адной агароджы, выкананай у выглядзе гранітных слупоў з металічнымі булавешкамі, якія злучаны між сабой металічным ланцугом з кольцамі, на якіх размешчаны шыпы. Агароджа была ўстаноўлена разам з помнікамі.
Абеліск, які знаходзіцца справа, выкананы з чырвонага граніту і завершаны металічным крыжам на шары. На цэнтральным баку абеліска рознымі шрыфтамі па-польску зверху ўніз нанесены звесткі аб памерлай, памінальны надпіс-прысвячэнне і дэкаратыўнае аздабленне ў выглядзе невялікага вензеля.
Сам абеліск размешчаны на п'едэстале прастакутнай формы. На аснове п’едэстала выразана таўро майстэрні Юзафа Забароўскага: “z fabryki J.G.Z.”.
Абеліск злева з цёмна-шэрага граніту мае амаль квадратную форму. На цэнтральным баку абеліска рознымі шрыфтамі па-польску зверху ўніз нанесены звесткі аб памерлай і памінальны надпіс-прысвячэнне.
Сам абеліск размешчаны на п’едэстале з чырвонага граніту квадратнай формы. На аснове п’едэстала выразана таўро майстэрні Юзафа Забароўскага: “scultp. J.G.Zaborowski W GRODNIE”.
Сартаваць па