Адпраўлена!

Памылка!

Комплекс пахаванняў на могілках па вул. Антонава – Прыгарадная: магіла Івана і Любові Мураўёвых

Цiкавае

Змест

Звесткі аб каштоўнасці

Шыфр

413Д000769_2

413Д000769

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Асобнае пахаванне

Месца знаходжання

Гродзенская вобласць, г. Гродна

Датаванне

кан. XIX - пач. XX стст.

Апісанне

Магіла Івана і Любові Мураўёвых рамешчана на праваслаўнай частцы некрапаля злева уздоўж дарогі, якая вядзе да цэнтральнага ўваходу на могілкі да Свята-Марыінскай царквы.

Надмагілле ўяўляе сабой мармуровы порцік з праваслаўным крыжам наверсе. Аснова крыжа ўпрыгожана дэкаратыўным аздабленнем; ніжні ашэстак крыжа збіты. Паміж калонамі - арачная ніша, дэкарыраваная наверсе і ўнізе арнаментам. Помнікі ў выглядзе порціка з’яўляліся над ўздзеяннем антычнай традыцыі. Сімвалізавалі пераход на іншы ўзровень быцця: праз смерць - у вечнае жыццё. Сам мармуровы пастамент уладкаваны на цокаль з пясчаніка, які складаецца з двух прыступкаў. На помніку маюцца сколы і пашкоджанні ў розных месцах.

Надмагілле створана ў гродзенскай майстэрні Шышкевіча. На першай прыступцы цокаля з пясчаніка выразана таўро майстэрні Шышкевіча.

Магіла абнесена агароджай з каванага жалеза, крыху спрошчанай формы з 8-падобнымі элементамі. На думку даследчыцы Любові Зорынай, агароджа была выраблена ў гродзенскай майстэрні Гальскіх.