Адпраўлена!

Памылка!

Традыцыйная тэхналогія спіральнага пляцення Гарадоцкага раёна Віцебскай вобласці

Цiкавае

Змест

Звесткі аб каштоўнасці

Шыфр

23АК000131_1

23АК000131

Катэгорыя каштоўнасці

без катэгорыі

Глава

Нематэрыяльныя каштоўнасці

Тып каштоўнасці

Традыцыйныя рамёствы

Падтып каштоўнасці

Дэкаратыўна-прыкладное мастацтва

Месца знаходжання

Віцебская вобласць, Гарадоцкі раён, Прудок, Смалоўка, Крошкі, Вархі, Барысенкі, Радчанкі, Маскаленяты, Гаране, Казінова, Кошкіна, Загуз’е, Халамер’е і г.д

Апісанне

Гарадоцкае спіральнае пляценне адносіцца да ўнікальнага віда беларускай народнай творчасці. Сярод усёй разнастайнасці плеценых вырабаў з саломы ў першую чаргу трэба вылучыць групу гаспадарчага начыння, здаўна і паўсюдна пашыранага ў народным побыце. Аб’ядноўваюцца гэтыя вырабы не толькі характарам прызначэння – для збору, пераноскі і захавання прадуктаў, але і спосабам вытворчасці – спіральным пляценнем. Пластыка гэтых вырабаў і да нашага часу захавала першапачатковую прастату і прадуманасць формаў, іх адпаведнасць прызначэнню вырабаў. Дзякуючы сваім спецыфічным якасцям саламянае начынне не сустракала канкурэнцыі з боку вырабаў з іншых шырокадаступных матэрыялаў, напрыклад – гліны, дрэва і таму бытавала практычна паўсюдна. Яно ўжывалася для захавання зерня, мукі і іншых сыпкіх прадуктаў, а таксама іх пераноскі. У некаторых выпадках плеценыя вырабы служылі таксама для зберажэння адзення і іншых каштоўных рэчаў. Характэрныя ўтылітарныя якасці плеценага начыння абумовілі яго выкарыстанне і ў якасці пчаліных вулляў. Тэхналагічны спосаб заключаецца ў тым, што пастаянна нарошчваючы, саламяны жгут выгінаюць у спіраль і, пачынаючы з дна вырабу, паступова фарміруюць яго аб’ём, змацоўваючы аплёткай з расшчэпленых дубцоў лазы, арэшніку, каранёў, а ў невялікіх вырабах - і ніткамі. Тэхналогія вырабу нагадвае не столькі пляценне, колькі сшыванне, тым больш што для гэтага выкарыстоўваецца спецыяльнае прыстасаванне ў выглядзе іголкі – кадычак, швайка з дубавай галінкі. Для фармавання саламянага жгута выкарыстоўваецца полая трубачка. Асаблівасці пляцення ствараюць пэйны дэкаратыўна-мастацкі эфэкт: дробны, рытмічны дыяганальны ці спіральны ўзор лазовага перепляцення стварае прыгожы малюнак на залацістых жгутах саломы.