У межах Дзяржаўнай інвестыцыйнай праграмы сёлета ідуць работы на чатырох аб’ектах культуры

Працягваецца ўзвядзенне Нацыянальнага музея, рэстаўрацыя і прыстасаванне адзінага комплексу будынкаў Нацыянальнага мастацкага музея, рэканструкцыя з рэстаўрацыяй у інтэр’еры касцёла Божага Цела ў Нясвіжы і рэканструкцыя з кансервацыяй ды прыстасаваннем у Навагрудскім замку.

Для аб’ектаў створаны графікі будаўніча-мантажных работ і фінансавання, забяспечаны тэхнічны і аўтарскі нагляд за адпаведнасцю работ, матэрыялаў, канструкцый, абсталявання і зацверджанай праектнай дакументацыі, а таксама прыёмка і ўлік работ, захаванне іх тэхналогіі ды якасці.