Пішам гісторыю на новых археалагічных крыніцах!

На Малым гарадзішчы археалагічнага комплексу на р. Менцы каля в. Гарадзішча Мінскага раёна пачаўся новы палявы сезон. 

Археалагічныя даследаванні ўзначальвае загадчык аддзела археалогіі Сярэдніх вякоў і Новага часу Інстытута гісторыі НАН Беларусі Андрэй Вячаслававіч Вайцяховіч. 

Разам з вучонымі Інстытута гісторыі ў раскопках удзельнічаюць студэнты Беларускага дзяржаўнага ўніверсітэта культуры і мастацтваў.