XV РЭСПУБЛІКАНСКІ ФЕСТЫВАЛЬ НАЦЫЯНАЛЬНЫХ КУЛЬТУР чакае гасцей 5-6 чэрвеня ў Гродна
На Савецкай плошчы Гродна ў рамках XV Рэспубліканскага фестывалю нацыянальных культур будзе арганізавана работа беларускага падворка «Беларусь фестывальная: свята ў свяце».
На тэматычнай пляцоўцы Гродзенскай вобласці гасцей фестывалю чакае маштабная экспазіцыя, прысвечаная культурным брэндам рэгіёна, творчасці майстроў і самабытным традыцыям.
Пляцоўка будзе падзелена на тры тэматычныя часткі:
- Гарадзеншчына гістарычная: - “ Легенды ажываюць тут”;
- Гарадзеншчына народная: "Крыніцы майстэрства і душы";
- Гарадзеншчына гасцінная: “Смак традыцыі - шчодрасць зямлі”.
Сакрэт: той, хто пройдзе ўсе зоны, сыдзе дадому з падарункам...які зробіць сваімі рукамі.
Гродна, гэта свята пра цябе. І пра нас. І пра нашу Беларусь.
Чакаем! Абавязкова!
Крыніца: https://gromc.by/
