зваротная сувязь
Калі вы заўважылі недакладнасць, ці маеце пытанне - лістуйце:
Рэшткі былой сядзібы:
Шыфр
112Г000345
комплексны аб’ект
Дадзеная каштоўнасць мае ў комплексе некалькі аб'ектаў.
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
сяр. ХІХ ст.
Апісанне
Дакладных звестак аб заснаванні сядзібы ў пісьмовых крыніцах не маецца. Прынята лічыць, што яна закладзена Пузынамі ў другой палове ХІХ ст. На думку А.Т. Федарука, больш праўдападобна, што яе заснавалі ў сярэдзіне ХІХ ст. Віслоцкія.
Палацава-паркавы ансамбль размешчаны ў маляўнічым месцы побач з вёскай Грымяча на пагорку ў выгіне ракі Пульвы. Ансамбль сядзібы складаецца з мураванага палаца, невялікага пейзажнага парку, двух гаспадарчых пабудоў з цэглы і бутавага каменю. Будынак палаца вырашаны ў стылі класіцызму. Ён мае сіметрычную аб'ёмна-прасторавую кампазіцыю, у плане прамавугольны з бакавымі рызалітамі на галоўным і тыльным фасадах. Будынак узведзены на высокім падмурку, мае паўпадвальны паверх. Унутраная планіроўка палаца анфіладная.
Палац абкружае параўнальна невялікі парк, плошчай каля 5 га, які займае частку схілу пагорка да р. Пульвы. Перад домам быў размешчаны вялікі партэр з кругам і клумбай у цэнтры. Сіметрычна палацу растуць 2 лістоўніцы еўрапейскія.
Ад былых кампазіцый цяпер захаваліся адзінкавыя дрэвы і невялікія групы (дуб, граб, елка). З экзатычных відаў захаваліся адзінкавыя дрэвы ясеню звычайнага ніцага, лістоўніцы, шаўкоўніцы і інш.
Вядома, што ў сярэдзіне ХІХ ст. у маёнтку меўся гаспадарчы двор, дзейнічалі кузня, два заезныя двары, млынок, вадзяны і ветраны млыны, вінакурня. Па вызначэнні А.Т. Федарука, да нашага часу захаваліся ў паўразбураным стане сыраварня (14х7 м), лядоўня (7х7 м), перабудаваны свіран (14х7 м). Гаспадарчыя пабудовы датуюцца пачаткам ХХ ст. Сыраварня пабудавана з цэглы, была накрыта дахоўкай, лядоўня і свіран -- з каменя.
Сартаваць па
Аб'екты, якія ўваходзяць у склад дадзенай каштоўнасці (комплекснага аб'екта)
