Будынак па вул. Чырвонаармейскай, 87 пабудаваны як гарнізонны дом афіцэраў у складзе ваеннага гарадка. Ваенны гарадок для расійскіх войск быў заснаваны на мяжы ХІХ – пачатку ХХ стст. на ускраіне г. Слоніма па былой вул. Жыровіцкай. Ваенны гарадок уяўляў сабой вялікі комплекс будынкаў, аснову якога складалі казармы, жылыя дамы, службовыя пабудовы. Будынкі ўзведзены па тыповых праектах у характэрным для таго часу цагляным стылі. Мастацкая выразнасць муроўкі дасягалася выкарыстаннем высокаякаснай абліцовачнай і лякальнай цэглы.