13 красавіка ў Магілёве пачаў сваю работу IX Міжнародны форум "Традыцыйная культура як стратэгічны рэсурс устойлівага развіцця грамадства"

Праграма форуму абяцае быць насычанай і шматграннай. У рамках мерапрыемства пройдуць міжнародная навукова-практычная канферэнцыя, выставы, майстар-класы, канцэрты, фальклорна-абрадавыя праграмы, круглы стол, прэс-канферэнцыя і шмат іншага. Госці змогуць пазнаёміцца ​​з прэзентацыйнымі пляцоўкамі ўстаноў культуры вобласці, абмяняцца вопытам і ідэямі.

На чатыры дні ў Магілёве збяруцца прадстаўнікі з Беларусі і замежжа, каб разам гаварыць аб захаванні і развіцці багатай культурнай спадчыны на новым узроўні.