12 кастрычніка 2025 года
Пачатак у 12.00
Святы, прысвяткі заўсёды займалі важнае месца ў жыцці людзей. Традыцыйны лад жыцця забавязваў іх трымацца пэўных абрадавых дзеянняў і рытуалаў. Памятаць іх усе і шанаваць традыцыі продкаў - неабходна кожнаму грамадзяніну. Адным з такіх святаў з'яўляюцца Пакровы.
Пакрава Прасвятой Багародзіцы - важнае і старадаўняе свята ў культуры беларусаў. Традыцыйна яго адзначалі 14 кастрычніка. Сама назва кажа пра сувязь свята з хрысціянствам. Лічыцца, што падзеі, якія пацягнулі яго з'яўленне, адбываліся ў Візантыі ў 910 г., калі Божая маці выратавала ўвесь Канстанцінопаль ад варожых сіл. Для беларусаў жа дадзеная дата адзначана яшчэ і заканчэннем сельскагаспадарчых работ і пачаткам вясельнага сезону.
Музей народнай архітэктуры і побыту прапануе не забываць традыцыі мінулага, а захоўваць і працягваць іх разам з намі.
Вас чакае:
- Расповед пра святочную культуру беларусаў;
- Майстар-клас па беларускіх народных танцах і гульнях.
Кошт квіткоў:
- для дарослых – 13,00 руб.;
- студэнтаў вышэйшых устаноў адукацыі (студэнцкі білет) – 6,50 руб.;
- для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6,50 руб.;
- для дзяцей дашкольнага ўзросту – бясплатна.
Экспазіцыя музея працуе з 10:00 да 17.00. Каса працуе з 10:00 да 16:30.
Шаноўныя наведвальнікі!
- Калі ласка, паклапаціцеся аб абутку і вопратцы згодна ўмоў надвор’я.
- Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
- На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
- Экскурсіі ў дзень мерапрыемстваў праводзяцца толькі па папярэднім запісе.
Як нас знайсці?
Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.
Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Чыкі; маршрутнае таксі №1277, №1111, №1026.
https://etna.by