Аўгустоўскі канал (шлюз Дамброўка) запрашае 5 ліпеня адсвяткаваць Купалле
Запрашаем усіх 5 ліпеня на Аўгустоўскі канал (шлюз Дамброўка), дзе адбудзецца адно з самых яркіх летніх святаў – Купалле!
Вас чакае сапраўдная атмасфера беларускай народнай культуры: рэканструкцыя купальскага абраду, народныя песні і танцы, майстар-класы па побытавых танцах.
Збор зёлак і выраб купальскіх вянкоў. Кожны жадаючы зможа адправіцца на пошукі чароўнай папараць-кветкі, а таксама прыняць удзел у вясёлых конкурсах на самы прыгожы вянок, самую доўгую касу і выбраць Купаліша і Купалінку.
Кульмінацыяй вечара стануць запальванне вялікага купальскага вогнішча, традыцыйныя карагоды і скокі праз агонь!
Прыязджайце ўсёй сям'ёй, запрашайце сяброў і правядзіце летні вечар у атмасферы цеплыні і сапраўднай купальскай магіі.
Крыніца: t.me/otdelkultgr
