Рэтрафестываль "Машыны часу ў замку" адбудзецца 26 верасня ў Цэнтральным двары Палацавага ансамбля ў Нясвіжы
26 верасня ў Цэнтральным двары Палацавага ансамбля ў Нясвіжы адбудзецца рэтрафестываль "Машыны часу ў замку".
Усіх прыхільнікаў старадаўніх аўтамабіляў, матацыклаў, ровараў і ўнікальных дзіцячых педальных машынак чакае сустрэча з прыкладамі савецкага і замежнага аўтапрама.
Акрамя таго, менавіта тут вы зможаце ўбачыць патэфоны і грамафоны, а таксама пачуць іх гучанне.
Гасцей чакае кірмаш рамеснікаў з вырабамі ручной работы.
Музычнае суправаджэнне свята забяспечаць саксафаніст Дзмітрый Макась, а таксама яркі і феерычны кавер-гурт «CREATIVE BAND».
Для аматараў быць непасрэднымі ўдзельнікамі таго, што адбываецца - майстар-клас па вырабе кафлі, магчымасць зрабіць фота ў гістарычным касцюме.
Пачаставацца найсмачнымі дэсертамі і атрымаць асалоду ад духмянай кавы можна ў кафэ «Палацавае», а зрабіць відэасюжэт на памяць - на фоне палацавай архітэктуры і рэтрааўтамабіляў з дапамогай відэаспінера.
