У Крэўскім замку распачаўся новы этап даследаванняў і рэстаўрацыі
Экспедыцыя Інстытута гісторыі НАН Беларусі пад кіраўніцтвам Алега Дзярновіча ў супрацоўніцтве з ААТ “Белрэстаўрацыя” прыступіла да новага этапу даследаванняў замка.
Задачы сезону: знайсці сляды замкавага маста і трасіроўкі замкавых роваў, бо па праекту рэстаўрацыі прадугледжана аднаўленне двух мастоў і роваў з двух бакоў.
За сценамі замку быў выяўлены сметнік часоў Першай сусветнай вайны — шэраг бутэлек тых часоў. Сярод іх — бутэлькі з кляймом фабрыкі Гартвіга Кантаровіча ў Познані.
Шэраг камянёў пад гатычнай аркай дазваляе вызначыць узровень пратоку вады ў замак. Праз гэтую арку вада з вадаёмаў вакол замка трапляла ў стаў, што знаходзіўся на дзядзінцы замка. Вызначаны параметры рова, які падыходзіў пад сцены замка на адлегласці 4-4,5 м.
Наперадзе экспедыцыю чакае выбарка завалу ў Княскай вежы з мэтаю падрыхтоўкі праекту яе рэканструкцыі. Мы ўжо ведаем, што там знаходзяцца невядомыя архітэктурныя канструкцыі і фрагменты фрэсак замка.
Крыніца: https://history.by/news_september_2026/
