У Беларусі стартавала рэспубліканская акцыя «Вандруй. Адчуй. Натхняйся.», у якой прымуць удзел звыш 1,4 тыс. турыстычных аб'ектаў.
Арганізатарамі акцыі выступаюць Міністэрства спорту і турызму Рэспублікі Беларусь і Нацыянальнае агенцтва па турызме.
У акцыі прымуць удзел турыстычныя аб'екты ўсіх абласцей Беларусі: аграэкасядзібы, установы культуры, адукацыі, аб'екты харчавання і пражывання, санаторна-курортныя ўстановы, турыстычныя комплексы, экалагічныя паркі, заказнікі, мастацкія і карцінныя галерэі, вытворчыя прадпрыемствы, спартыўныя ўстановы, фізічныя асобы і многія іншыя.
У перыяд акцыі аб'екты прапануюць наведвальнікам: бясплатныя экскурсіі і квэсты; дні адчыненых дзвярэй; майстар-класы; дэгустацыі страў нацыянальнай кухні; прэзентацыі паслуг і спецыяльныя прапановы.
