Дзейнасць Францыска Скарыны аказала вялікі ўплыў на развіццё кніжнай справы, пісьменства і культуры не толькі ў Беларусі, але і іншых усходнеславянскіх краін. Выданні беларускага першадрукара сталі фундаментам усходнеславянскага кнігадрукавання, адыгралі важную ролю ў фарміраванні культурнай ідэнтычнасці, аб’ядналі гуманістычныя ідэі эпохі Адраджэння і сталі інструментам адукацыі і маральнага выхавання.
“Апостал” 1525 г. лічыцца першым друкаваным выданнем адпаведнага зместу і падобнага тыпу для славянскага свету, першым дакладна датаваным на беларускіх землях і апошнім вядомым выданнем Ф. Скарыны, якое было арыентавана не толькі на духавенства, але і на ўсіх вернікаў. На сённяшні дзень у свеце вядома месцазнаходжанне 10 асобнікаў кнігі.
На круглым стале плануецца абмеркаванне наступных тэм:
- 535 гадоў з дня нараджэння беларускага і ўсходнеславянскага першадрукара Францыска Скарыны (каля 1490 – каля 1551)
- 500-годдзе выдання “Апостала” Францыска Скарыны (Вільня, 1525)
- Францыск Скарына і яго паслядоўнікі
- Даследчыкі-скарыназнаўцы і іх працы
- Аспекты даследаванняў мовы старадрукаў
- Улік і бібліяграфічнае апісанне кніжных помнікаў
Кантакты:
Кірэева Галіна Уладзіміраўна, Карнілава Таццяна Уладзіміраўна, Шопіна Марыя Міхайлаўна.
Тэлефоны: (8 017) 293 26 12, 293 27 83, 293 27 81.
E-mail: redkaja@nlb.by.