У адпаведнасці з Планам мерапрыемстваў па святкаванні на нацыянальным узроўні дваццатай гадавіны Канвенцыі аб ахове нематэрыяльнай культурнай спадчыны, прынятай на Генеральнай канферэнцыі ЮНЕСКА 17 кастрычніка 2003, у Гомельскай вобласці на працягу года праводзяцца разнастайныя мерапрыемствы.
Рэспубліканскі фестываль народнага гумару «Аўцюкі» запланаваны да правядзення 28-29 ліпеня 2023 года ў в. Вялікія Аўцюкі, Калінкавіцкі раён, Гомельская вобласць.
Штогод спецыялістамі ўстановы “Гомельскі абласны цэнтр народнай творчасці” ажыццяўляецца маніторынг стану бытавання нематэрыяльных гісторыка-культурных каштоўнасцей Рэспублікі Беларусь, у рамках якога праводзіцца экспедыцыйная работа з фота - і відэа - фіксацыяй элементаў. У гэты перыяд былі зафіксаваны такія элементы як:
- мясцовы песенны стыль выканання традыцыйных абрадавых і пазаабрадавых твораў аўтэнтычным фальклорным калектывам “Палескія напевы” (в. Новае Палессе, Лельчыцкі раён, Гомельская вобласць);
- абрад гукання вясны "Чырачка" аг. Тонеж, Лельчыцкі раён, Гомельская вобласць;
- абрад "Ваджэнне Сулы" на другі дзень Вялікадня (в. Гадзічава, в. Маркавічы Гомельскі раён, Гомельская вобласць);
- пеўчы стыль Тураўскага міжрэчча Прыпяці-Сцвігі (аг. Рычоў, Жыткавіцкі раён, Гомельская вобласць);
- вясновы абрад "Юраўскі карагод"(“Юр’я”) (в. Пагост, Жыткавіцкі раён, Гомельская вобласць);
- абрад "Ваджэнне і пахаванне стралы" аг. Неглюбка, в. Казацкія Балсуны, аг. Стаўбун, аг. Янава, Веткаўскі раён, Гомельская вобласць);
- Неглюбская народная тэкстыльная традыцыя (аг. Неглюбка, пасёлкі Лядо, Сініцы, Канавалава, Рэпішча, Селішча, Перадавец, Перавесье, Свабода Неглюбскага сельсавета Веткаўскага раёна Гомельскай вобласці);
- абрад "Перанос свячы на другі дзень Троіцы” в. Навінкі, Калінкавіцкі раён, Гомельская вобласць;
- абрад “Провады русалкі" аг.Вялікі Бор, Хойніцкі раён, Гомельская вобласць.
У 1-м паўгоддзі 2023 года арганізаваны і праведзены выставы традыцыйных мастацкіх рамёстваў, уключаных у Дзяржаўны спіс гісторыка-культурных каштоўнасцей Рэспублікі Беларусь:
- выстава "Калядная вёска" ў рамках правядзення абласнога Каляднага канцэрта (Гомельскі абласны грамадска-культурны цэнтр, г. Гомель, 07.01);
- выстава "Жывая спадчына Гомельшчыны» ў рамках урачыстага мерапрыемства, прысвечанага 85-годдзю з дня ўтварэння Гомельскай вобласці (Гомельскі абласны грамадска-культурны цэнтр, г. Гомель, 10.02);
-выстава «Жывая спадчына Беларусі» ў гандлёва-выставачным цэнтры павільёна № 18 "Рэспубліка Беларусь" на выставе дасягненняў народнай гаспадаркі (г. Масква, Расійская Федэрацыя, 11.03-04.06);
- выстава ў рамках Культурна-спартыўнага фестывалю "Вытокі" (г. Жлобін, 19-20.05);
- выстава ў праграме свята майстроў і рамеснікаў "Гомельская вясна" ў рамках XXIV Міжнароднай выставы "Вясна ў Гомелі" (г. Гомель, 25.05);
- выстава ў рамках абласнога свята сямейнай творчасці "Жывіце ў радасці!» (г. Рэчыца, 27.05);
- выстава ў рамках выставы пад час XIV Рэспубліканскага фестывалю-кірмашу "Вясновы букет" г. Мінск, 03.06);
- выстава ў рамках адкрытага раённага свята фальклору "Траецкі карагод на Веткаўшчыне" г. Ветка, 05.06);
- выставы і майстар-класы ў рамках сустрэчы прыгранічных абласцей Рэспублікі Беларусь і Расійскай Федэрацыі "Славянскае адзінства" (г. Гомель, 24.06);
- выстава "Жывая спадчына Беларусі" ў рамках X Форуму рэгіёнаў Беларусі і Расіі (г. Уфа, Расійская Федэрацыя, 26.06-16.07);
- фестываль этнічных культур "Вуліца сяброўства" ў рамках X Форуму рэгіёнаў Беларусі і Расіі (г. Уфа, Рэспубліка Башкартастан, Расійская Федэрацыя, 26-28.06);
- выставачная экспазіцыя Гомельскай вобласці ў рамках выставы "Хлеб. Мір. Стварэнне" да Дня Незалежнасці Рэспублікі Беларусь у Палацы Рэспублікі (г. Мінск, 30.06-03.07);
- выставачная экспазіцыя Гомельскай вобласці ў рамках выставы “Культура Беларусі сёння” да Дня Незалежнасці Рэспублікі Беларусь (г.Мінск, 03.07).
Абласны конкурс-пленэр па саломапляценні “НаРоднае золата”.
Конкурс-пленэр па саломапляценні “НаРоднае золата” праходзіў з 15 па 19 мая 2023 года на творчай пляцоўцы Гомельскага абласнога цэнтра народнай творчасці. Мерапрыемства прысвечана Году міра і стварэння ў Рэспубліцы Беларусь і праводзілася з мэтай папулярызацыі традыцый саломапляцення – элемента нематэрыяльнай культурнай спадчыны, а таксама беражлівага захавання і развіцця традыцый Гомельскай вобласці.
Удзел у праграме конкурса-пленэра прынялі майстры з дзевяці рэгіёнаў Гомельскай вобласці: Хойніцкага, Мазырскага, Лоеўскага, Рэчыцкага, Кастрычніцкага, Ельскага, Буда-Кашалёўскага, Нараўлянскага, Рагачоўскага раёнаў.
Былі прадстаўлены работы ў розных тэхніках саломапляцення: букеты з руж і рамонкаў, скрыначкі, падносы, павукі, звяркі, калекцыя галаўных убораў і многае іншае.
Вынікам конкурсу-пленэру стала выстава работ удзельнікаў у выставачнай зале ўстановы (г. Гомель, вул. Ірынінская, 19) з 31 мая па 27 чэрвеня 2023 года.
29 чэрвеня 2023 работы былі прадстаўлены на выставе “НаРоднае золата” ў рамках мерапрыемства, прысвечанага Дню Незалежнасці Рэспублікі Беларусь у дзелавым і культурным комплексе Пасольства Рэспублікі Беларусь у Расійскай Федэрацыі (г.Масква).
Інфармацыя прадастаўлена Галоўным упраўленнем ідэалагічнай работы, культуры і па справах моладзі Гомельскага аблвыканкама.
Выкарыстаны фотаматэрыялы з сайта Гомельскага абласнога цэнтра народнай творчасці. https://ocntgomel.by