Навукова-практычная канферэнцыя “Стравы з таркаванай бульбы: традыцыі прыгатавання і ўжывання на Беларусі” – намінант сусветнай спадчыны ЮНЕСКА”.
У г.п. Воранава ГРОДЗЕНСКАЙ ВОБЛАСЦІ распачала работу двухдзённая навукова-практычная канферэнцыя “Стравы з таркаванай бульбы: традыцыі прыгатавання і ўжывання на Беларусі” – намінант сусветнай спадчыны ЮНЕСКА”.
Навукова- практычная канферэнцыя прымеркавана да падрыхтоўкі намінацыйнага дасье для далейшага накіравання ў Міжурадавы камітэт ЮНЕСКА па пытаннях уключэння намінацыі ў Рэпрэзентатыўны спіс нематэрыяльнай культурнай спадчыны чалавецтва.
Мерапрыемства накіравана на вывучэнне і папулярызацыю беларускай нацыянальнай кухні, багатай разнастайнасцю рэцэптаў, заснаваных на бульбе.
Бульба займае асаблівае месца ў рацыёне беларусаў, і стравы з таркаванай бульбы з'яўляюцца неад'емнай часткай культурнай спадчыны краіны.
Арганізатары: упраўленне культуры Гродзенскага аблвыканкама;
Гродзенскі абласны метадычны цэнтр народнай творчасці;
Сектар культуры Воранаўскага раённага выканаўчага камітэта
