Пад каляднай зоркай
16 студзеня а 14-й гадзіне (пам. 164) Нацыянальная бібліятэка Беларусі запрашае адсвяткаваць Каляды з народным сямейным абрадава-гульнявым калектывам “Радзіна” і ўзорным фальклорным дзіцячым калектывам “Валошкі” Новінскага сельскага Дома культуры Бярэзінскага раёна.
Рэканструкцыя абраду “Прыйшла Каляда” – гэта цудоўная магчымасць пагрузіцца ў атмасферу аднаго з самых старажытных абрадавых свят Беларусі, адчуць каларыт яго святкавання ў Бярэзінскім раёне. Гэта шанс пазнаёміцца ўжывую з вядомымі каляднымі вобразамі і персанажамі, пачуць добрыя пажаданні і песні-шчадроўкі, паспрабаваць святочныя пачастункі, пагуляць і павесяліцца.
Прыходзьце ўсёй сям’ёй, запрашайце сяброў і блізкіх – гэтае свята не забудзецца!
Мерапрыемства пройдзе ў рамках адукацыйнага праекта “Пад каляднай зоркай”.
Уваход – па чытацкім білеце.
Тэлефон для даведак: (8 017) 293 27 10.
