Прэзідыум Савета Міністраў вызначыў беларускую гастранамічную традыцыю, якая можа папоўніць спісы культурнай спадчыны ЮНЕСКА
Для ўключэння ў Рэпрэзентатыўны спіс нематэрыяльнай культурнай спадчыны чалавецтва прапанавана гісторыка-культурная каштоўнасць "Стравы з таркаванай бульбы - традыцыі прыгатавання і ўжывання ў Беларусі"
Традыцыі прыгатавання страў з таркаванай бульбы (у першую чаргу дранікаў, бульбяных бліноў і бабкі) даўно сталі гастранамічным брэндам Беларусі, прадстаўленым ва ўсіх шасці абласцях, і з 2022 года ўключаных у Дзяржаўны спіс гісторыка-культурных каштоўнасцей Беларусі (зафіксавана больш за 370 носьбітаў з 73 раёнаў і 235 народных рэцэптаў страў з таркаванай бульбы).
Прапанова Рэспублікі Беларусь будзе накіравана Мінкультуры ў ЮНЕСКА да канца сакавіка 2026 года. Гэта будзе садзейнічаць пашырэнню інфармацыі пра Беларусь, як краіну, у якой захоўваюцца нацыянальныя культурныя традыцыі, а таксама павелічэнню турыстычнай прывабнасці краіны і развіццю гастранамічнага турызму.
На сённяшні дзень у спісах нематэрыяльнай культурнай спадчыны ЮНЕСКА налічваецца 7 беларускіх элементаў нематэрыяльнай гісторыка-культурнай спадчыны.
Крыніца: t.me/government_by
